"Ta konsiderosh atë thjesht si një talent të madh nuk mjafton: ka një element gjenialiteti të pastër në këtë djalë të ri".

Süddeutsche Zeitung

 

I lindur në Athinë me origjinë shqiptare dhe greke, Jonian Ilias Kadesha ka një interes të madh për filozofinë dhe retorikën dhe zotëron imagjinatë të pakufishme tingulli dhe interpretimi . Loja e tij karakterizohet nga  stili, saktësia dhe interpretimi idiomatik që nga  veprat e hereshme e  deri në  ato bashkëkohore, të realizuara me një  artikulim të rrallë.

 

Kadesha ka performuar gjerësisht si solist në të gjithë Evropën, duke përfshirë këtu  Orkestrën e Dhomës së Evropës të drejtuar nga Sir András Schiff, Simfonia e re shtetërore ruse e drejtuar nga Yuri Bashmet, Tapiola Sinfonietta drejtuar nga Ryan Bancroft, Filarmonia Sllovene e drejtuar nga Aziz Shokhakimov, Radio Mynihu, Filarmonia e Lübeck, Neue Filarmonia Frankfurt, Orkestra e Koncerteve RTE,  Filarmonia Mbretërore , Filarmonia Bad Reichenhall, Radio Shqiptare, Simfonia e Re Shtetërore Ruse, Radio Greke dhe Orkestra Shtetërore e Athinës  dhe e  Selanikut.

​

Si dirigjent  dhe solist, Joniani është shfaqur me shumë nga orkestrat kryesore të muzikës së  dhomës, duke përfshirë këtu  Kameratën   Holandeze, Orkestrat e Dhomës Skoceze dhe atë Mendelssohn, Kameratën e Mançesterit dhe Mozart Players  e  Londrës . Ai ka interpretuar  repertorin e kompozitorëve si Enescu, Bartok, Mozart, Bach, Nikos Skalkottas  si dhe një koncert i ri i shkruar  enkas për të në 2022 nga Giovanni Sollima me titull TYCHE.

​

Në vitin 2017 Kadesha themeloi dhe mori rolin e Drejtorit Artistik të Ansamblit të Dhomës Caerus, një formacion muzikor  fleksibël , një ansambël i përbërë nga instrumentistë të shquar nga brezi i ri i muzikantëve evropianë. Ka dhënë recitale në Wigmore Hall, Louvre, Berlin Filharmonie, Salle Moliere Lyon, Goldener Saal Augsburg dhe bëri debutimin e tij në Konzerthaus Berlin si solist dhe drejtor artistik i Caerus Kammerensemble. Pjesëmarrjet  në festivale  përfshijnë Festspiele Mecklenburg-Vorpommern, Verbier Academy, Heidelberger-Frühling, Lockenhaus, Schubertiade, Progetto Martha Argerich, Hitzacker dhe Mantua Chamber Festivalet e Muzikës dhe IMS Prussia Cove. Kadesha është një muzikant i përkushtuar në  muzikën e dhomës dhe ka bashkëpunuar me muzikantë të njohur si Martha Argerich, Steven Isserlis, Patricia Kopatchinskaja, Nicolas Altstaedt, Antje Weithaas, Denes Varjon, Thomas Demenga, Gábor Takács-Nagy, Ilya Gringolts dhe Pekka Kuusisto. Ai është bashkëthemelues i Trios Gaspard, fituese e disa  çmimeve, e cila shfaqet rregullisht në festivale dhe në skenat muzikore të Evropës dhe SHBA. Joniani është gjithashtu një anëtar i Kuartetit Kelemen.

​

Në vitin 2021 Kadesha nënshkroi me Linn Records. Albumi i tij debutues solo me Bach Partita në D minor së bashku me regjistrimin komercial  premierë  të  Ciaccona të Helena Winkelman dhe veprave nga Biber, Schnittke, Kurtág & Auerbach u publikua në vitin 2022.

Me pianistin Nicholas Rimmer ai ka regjistruar  vepra nga Enescu, Ravel dhe Skalkottas për Cavi Music dhe me violonçelisten Vashti Hunter , një disk të repertorit të violinës dhe violonçelit në bashkëpunim me Deutschland Radio.

​

Kadesha  ka studiuar  me Antje Weithaas, Salvatore Accardo, Grigori Zhislin dhe Ulf Wallin dhe  ka përfunduar studimet e tij Master në Akademinë Kronberg në vitin 2020. Ai ka  studiuar muzikë  dhome me Hatto Beyerle në Hannover dhe ka marrë pjesë në master class  me Ferenc Rados, Steven Isserlis, Ivry Gitlis, Leonidas Kavakos dhe Eberhard Feltz.

​

Çmimet e tij të shumta përfshijnë çmime në Deutscher Musikwettbewerb 2015, 2013 Konkursi i Violinës Leopold Mozart  si dhe    Konkursi për përzgjedhjen  për përfaqësim nga Fondi i Artistëve të Rinj Klasikë (YCAT) në 2018.